CODESIDO - MATELA

Este pasado domingo xogamos no campo "Casanova" de Codesido a novena xornada da liga. Acadámolos tres puntos con un único gol marcado por Sarceda de cabeza ó saque dun córner no minuto 9 da segunda metade.

Os primeiros 45 minutos foron de dominio visitante pero a pesar de dispor de varias ocasións ningunha remataría entre os tres paus. A mais clara foi obra de Marcos Tojo os seis minutos de xogo.

Na segunda metade e logo de marcar o 0 a 1 García dispón doutra ocasión clarísima pero o seu disparo sae directo ás mans do porteiro; tan só cinco minutos mais tarde nunha xogada ensaiada Sarceda manda o balón por enriba da portería.

O Codesido non baixou en ningún momento os brazos e a piques estivo de empatar o partido logo dunha perda de balón dos visitantes no medio do campo, cando tan só faltaban cinco minutos para o remate. 

Colexiado: Iván Montero Piñeiro

Fotos: Tareixa Rguez.

MATELA - CATRO ROLDAS

Dous a un foi o resultado do encontro disputado o pasado domingo en S. Lourenzo de Aguiar fronte o Catro Roldas. O primeiro gol é obra de Marcos Tojo ós 8 minutos de xogo e pouco mais fixo o Matela nos restantes corenta minutos de xogo,  o Catro Roldas domina o xogo e acada o empate a falta de 5 minutos para o descanso por medio de Alejandro logo de rematar totalmente libre de marcas un córner.  Con este resultado marchan a vestuarios.

Trala reanudación e transcurridos 10 minutos de xogo os locais quedan con 10 xogadores pola expulsión de Hugo, a partires de aquí a vantaxe é para os visitantes pero os locais fanse co dominio do balón e logran subir ó marcador o segundo gol e o que lles daria a vitoria, por medio de Pedro, que cabecea perfectamente un centro que lle pon Alberto dende a banda dereita.

Colexiado: José Luis López Rodríguez

Fotos: Tareixa Rguez.

FOLGUEIRO - MATELA

Desprazamento á costa no mesmo dia do Madrid - Barça e de volta cunha goleada.
O Matela aguantou 44 minutos sen encaixar e no derradeiro suspiro antes do pitido que marcaría o remate da primeira metade encaixou o chamado gol psicolóxico.
A primeira metade foi un toma e daca: calquera dos dous equipos puido marcar. Os primeiros dez minutos foron dos locales logo estabilizou un pouco o xogo, do 15' ó 30 dominaron os visitantes e cara ó remate a cousa estivo moi repartida.
Na segunda metade os visitantes tiveron mala sorte e marcan o dous a cero en propia porta, catro minutos mais tarde subirían ó marcador o 2 a 1 de falta directa por medio de Hugo. 
Aínda quedaban 25 minutos de xogo e o Matela bótase a por o partido. Ó debilitar a defensa o ataque vólvese mais efectivo, deste xeito o Folgueiro marcaría outros dous goles mais que deixaron o marcador no 5 -1 definitivo.  
Colexiado: Jesús Martín Florez.

Fotos: Tareixa Rguez.

MATELA - SAN ROMAN

Un a cero, este foi o resultado do encontro disputado este pasado domingo en S. Lourenzo de Aguiar.

Os locais tiveron a sorte de cara e leváronse o triunfo sin merecelo.

O San Román na primeira metade dispuxo de 3 ocasións clarísimas de gol pero fallou na súa definición e ningunha delas subiu ó marcador. Cando tan só faltaban  seis minutos para o descanso anota en propia meta o único tanto do partido e o que lle daría a vitoria ó Matela. 

Na segunda metade os locais espabilaron un pouco pero sin chegar e meterse de cheo no partido, o S. Román dispuxo de novo de ocasións tanto para igualalo partido como para gañalo.

Colexiado: David Rodríguez Pérez

Fotos: Tareixa Rguez.

FERROVIARIA - MATELA

Último dia de S. Froilán, campo artificial, equipo novo na competición, e o Matela con baixas;  unha chea de cousas que a priori complicaban a xornada.

Nembargantes o Matela saíu moi confiado ó terreo de xogo e xa nos primeiros minutos dispuxo de ocasións para marcar. Tivo a primeira Marcos T. cabeceando un saque de córner que sae rozando a portería. Mais tarde e xa pasada a media hora sería o Ferroviaria quen disporía dunha boa ocasión pero Pablo encargóuse de estragala.

Rematan os primeiros 45 minutos e o marcador reflexa o cero a cero do comezo, pero con varias ocasións para ambos lados. Tralo paso por vestiarios e os 3 minutos da reanudación os locais marcan por medio de Faustino.

Tan só 10 minutos mais tarde Sarceda de penalti pon o empate no marcador (penalti moi discutido polos locais) así como o segundo gol que marca Hugo no 68'. Sarceda de novo, no 71', sube ó marcador o 1 a 3 definitivo, cun moi bo lanzamento de falta.

Dende aquí desexarlle ós nosos lesionados moito ánimo e unha pronta recuperación, sobre todo a Manuel Barreiro que onte mercores foi operado de menisco nun xionllo.

Colexiado: Juán Fernando Salgado Paz

Fotos: Tareixa Rguez.