OUROL - MATELA

Estas fotos correspóndense ó partido arriba mencionado, e permitídeme que non faga narración do partido. Dende fai case un mes non me atopo en condicións, igual antes tampouco o facía axeitadamente, pero penso que sempre o fixen dende o cariño, a imparcialidade e sempre intentei contar todo o que transcurrira en cada partido.
Hoxe somentes quero dar as GRACIAS a todo o EQUIPO, a todos os seguidores deste blog, a toda a nosa afección que sen ruidos nos sigue polos campos, GRACIAS os que estiveron neses momentos, ós que siguen estando, e porqué non. ós que deberían de estar pero non están.

MEIRA - MATELA

Partido complicado o do pasado fin de semana, tanto polo rival (un gran equipo), poucos xogadores (doce) e  malas condicións metereolóxicas (isto é o malo do inverno).

O Matela acadou un empate  a dous no campo da Lomba en Meira, marcou na primeira e na derradeira xogada do partido. O primeiro gol marcouno Hugo logo dunha boa xogada de Eloi pola banda e o segundo e obra de Iago. O Matela dominou na primeira parte e estrelou un balón no pau. O empate a uns dos locais faino Fernando logo dun erro na defensa visitante e do porteiro que se atopaba adiantado.

Na segunda metade igualaronse as forzas, os visitantes non teñen mais que un cambio e os locais dispoñen dos cinco suplentes, pese a todo  os visitantes mandaron dous balóns ó pau e os locais tamén tiveron dúas boas ocasións que atallou Pablo.

O dous a un do Meira é de Alberte que marcou de cabeza.

Colexiado: Alejandro Vázquez Méndez

Fotos: Tareixa Rguez.

MATELA - SAN ROMAN

Este pasado domingo nunha calurosa tarde o Matela enfrontouse o San Román no campo de S. Lourenzo.

Pese a contar con tan só  once xogadores o conxunto impúxose con moita claridade ós visitantes que se presentaron tamén con solo 12 xogadores.

Os de S. Román puideron inagurar o marcador na primeira xogada do encontro nunha acción de Miki que detivo Pablo sen problema. Con escasos minutos de diferenza foi o Matela quen marcou, Pardiño, a pase de Bruno, abre o marcador. Eloy tamén dispuxo dunha ocasión clarísima pero o seu disparo bateu no pau. 

O segundo tanto chegou pasada xa a media hora de xogo, desta volta o gol é de Capi, de cabeza.

A escasos minutos para o descanso, García marcou o terceiro, para marchar ó descanso con mais seguridade. Os visitantes xogaban en inferioridade e acusaban o cansazo.

A segunda metade transcorre con un claro dominio dos locais, rondando a media hora da segunda parte, de novo Capi sentencia co cuarto tanto.

Colexiado: José Manuel Alvariño Cruña. 

Fotos: Tareixa Rguez.

CELEIRO - MATELA

Esta entrada correspondese co partido xogado o sábado 16 no municipal de Viveiro.

A primeira metade comezou bastante ben, ós 8 minutos de xogo Hugo abriu o marcador para os visitantes nunha xogada onde recolleu un rechace, conduciu e tirou a portería con un disparo pegadiño ó pau onde non puido chegar o porteiro.

Xusto cinco minutos antes do descanso o Matela conseguiría o segundo tanto por medio de Bruno, que transformaría, logo de que Sarceda peitease un saque de banda de Pedro. Pese a todo os locais non baixaron os brazos e ós tres minutos puxeron o un a dos no marcador,obra de Ramil. Con este resultado chegouse ó descanso.

Na segunda metade o Celeiro tentou igualar o partido, mais nunha xogada de contragolpe García marcaría o terceiro e definitivo.

Colexiado: Gabriel Polo Fraga

Fotos: Tareixa Rguez