CELTA BARREIROS - MATELA

Desprazámonos ata Barreiros para disputar a 17  xornada de liga na tarde do sábado e acadamos unha vitoria,  moi importante por certo,  para non descolgarnos dos primeiros postos da clasificación.

Nos primeiros 15 minutos de xogo nin locais nin visitantes semellaban querer gañar, o Celta non chegaba con perigo e o Matela non crearía ocasións, a primeira chegou os 18 minutos, M. Tojo mandaría o seu disparo dende a frontal da área por encima do largueiro; no 21' o porteiro local lócese sacando tamén por encima do largueiro un córner sacado por Pichin e mais tarde no 43 volvería a facelo, pero nesta ocasión, desviou a córner unha falta que executaba Pedro.

Remataría a primeira metade con empate a cero, sin un claro dominador, con ocasións para o Matela pero xogando mal.

Nada mais comezala segunda parte os visitantes volven a avisar por medio de Sarceda, de novo o porteiro fai unha boa intervención.

No minuto sete os locais quedan con 10 xogadores logo da expulsión por dobre cartón amarelo de David Pérez e un mais tarde Sarceda de penalti abriría o marcador.  

O cero a dous é obra de Hugo que recolle un balón rechazado e cun fortísimo disparo  a uns 20 m. sorprende ó porteiro. A media hora de xogo é  D. Alzola quen de cabeza marca o terceiro e xa rondando os 45 Marcos Barro anotaría o cuarto e definitivo logo dunha boa xogada pola banda entre Sarceda e Hugo e o propio anotador.

Colexiado: Yago Amil Castro

Fotos: Tareixa Rguez.

MATELA - OUROL

Na fría tarde do sábado xogamos a 16 xornada de liga, na casa fronte o Ourol.

O resultado foi de catro a dous e puido ser mais abultado se ámbolos dous equipos non errasen varias das ocasións creadas.

Tanto o Matela como o Ourol saltaron o campo bastante enchufados e nos dez primeiros minutos xa dispuxeran de dúas ocasións cada un deles; pero non sería ata o minuto 25 cando Marcos Tojo abre o marcador logo de rematar un disparo de Manu dende fora da área que se estrelara no largueiro. Tan só 3 minutos mais tarde Hugo marca o segundo para os locais logo dunha gran xogada persoal.

O terceiro chegou logo dun saque de córner que Marcos Tojo remata de cabeza e o tres a un é obra de Jacobo nunha xogada pola banda no que os locais se queixaron de fora de xogo. Un minuto mais tarde Marcos Tojo pon e catro a un (e o seu hat trick persoal) nun disparo dende o borde da área. 

A segunda metade tamén comeza moi forte e os dez minutos o Matela volveu a dispoñer dunha gran ocasión, no quince é Alberto quen desperdicia un pase de Diego mandando o balón por enriba da portería.

O Ourol adianta liñas e recorta defensa, consigue así acortar distancias no 65' nun despiste da defensa local que obriga a saír a Pablo fora da portería, Jesús de vaselina marca o 4 a 2 definitivo. 

Os visitantes non deixan de pelexar e a falta aínda de vinte minutos para o remate dispoñen

 doutra clara ocasión de gol, os locais aguantan do resultado ata o remate.

Colexiado: Denís Seijas Rodríguez.

Fotos: Tareixa Rguez.

CAZAS - MATELA

Segundo partido da volta e primeiro logo do parón de Nadal, desplazamos a Cazás o sábado para disputar a 15ª xornada. Asubiou o encontro David Rodríguez Pérez.

O primeiro cuarto de hora trancurre sin apenas ocasións de gol, sería no 17 cando os locais nunha mala saída do porteiro visitante terían a ocasión mais clara para abrilo marcador pero o disparo sae moi alto por enriba da portería. No 35 os visitantes marcarían, pero o gol non subiu ó marcador porque o sr. colexiado di que o balón non entra e cinco antes do descanso os visitantes tamén reclamarían un penalti.

Na segunda metade tralo paso por vestuarios o Matela mellora un pouco pero non sería ata preto da media hora cando dispón dunha clara ocasión para marcar, un forte disparo de Veiga que o porteiro local saca a córner.

Puido sentenciar o partido e acada-los tres puntos Marcos Barro no último minuto do encontro pero o seu disparo sairía fora.

Un punto que sabe a pouco nun encontro feo, de pouco xogo e cheo de protestas.

Fotos:Tareixa Rguez.