RIOAVESO - MATELA

Na véspera de noitevella vou colgar a última entrada deste ano que remata, esta correspondese co primeiro partido da volta que se xogou o pasado domingo día 20.

O partido foi moi intenso e o marcador final non reflexa as ocasións que se viron durante o encontro. Nos primeiros cuarenta e cinco minutos os visitantes dominaron, dispuxeron de varias ocasións claras pero non acertaron na definición final. A primeira ocasión foi de Pardiño ós cinco minutos do comezo pero o disparo saíulle altísimo, dous minutos mais tarde son os locais quen fallan diante de Pablo.

Pardiño ós 20 minutos e Marcos Tojo á media hora de xogo volven errar sendas ocasións, ao primeiro o seu tiro sáelle fora e ao segundo o lanzamento e rexeitado de primeiras polo porteiro e logo non atopa rematador. Co resultado de empate a cero marchan ó descanso.

Tralo paso por vestiarios e logo de facer o seu único troco o Matela consegue o tanto da vitoria por medio de Iago ós 15 minutos de xogo, este bateo ó porteiro local cun disparo dende case a metade do campo. Os locais pelexaron ata o último segundo de partido e dominaron o que restaba de partido mais non tiveron sorte de cara o remate. No desconto Iago tivo de novo nos seus pés o gol da sentencia, o disparo sáelle moi por enriba do longueiro.

Colexiado: Jesús Adán Gallego.

Fotos: Tareixa Rguez.

CAZAS - MATELA

O sábado desprazamonos ó "catro ventos" e pouco ou case nada que contar desta xornada.
O Cazás cun case 100% de efectividade asoballa ó Matela.
Na primeira metade, pese a ser mala, vimos un gol; Jose a cinco minutos para o descanso abria o marcador para os da casa.
Tras o descanso e xa na xogada do saque central o Cazás marca o seu segundo tanto, obra de Miguel a pase de Chechu. Os visitantes non logran facerse co control do partido, non crean perigo e somentes trenzan algunha xogada illada, o xogo é duro, e as faltas son constantes. Os locais creceronse cos goles e os visitantes apocaronse; adiantaron liñas e pasaron a defensa de tres para tratar de acortar distancias. A falta de media hora para o remate do encontro, Iván, primeiro e Juán despois marcan o catro a cero definitivo.
Xornada para esquecer e reflexionar, pese a que o fin de semana nos acompañou cos resultados dos demais encontros.
Colexiado: Josué Villabrille Forja

Fotos: Tareixa Rguez.

MATELA - CATRO ROLDAS

Coa vitoria deste pasado domingo fronte ó Catro Roldas acadamos tres novos puntiños que nos manteñen na segunda praza da clasificación e nos serven ademais para deixalos a eles a catro puntos e para rompérllela condición de invictos.
Na primeira metade so cabe destacar as poucas ocasións de gol, o xogo bronco e o dominio alterno, si cabe, maior posesión dos visitantes. Co cero a cero inicial marchan ó descanso.
A segunda metade comeza con moita mais intensidade dos locales e xa no primeiro minuto Pardiño logo dun pase dende a banda contraria e un rechace faise co balón e logra bater ó porteiro visitante cun gran disparo raso cruzado dende fora da área. Cando aínda faltaban cinco minutos para cumplirse a media hora de xogo logo dunha recuperación ao borde da área de Marcos Tojo e da xogada pola banda de Oscar, este marca o dous a cero definitivo. O Catro Roldas non se rendeu e tentouno ata o remate do partido.
Colexiado: Pedro Castro Gómez

Fotos: Tareixa Rguez.

POL - MATELA

Tarde fría e chuviosa a do pasado domingo en Pol na que o Matela acadou unha nova vitoria con goles de Marcos Tojo e García.
O Pol saltou ó terreo de xogo mais centrado que os visitantes e a piques estivo de sorprendelos xa no saque inicial. Pouco a pouco o Matela foise metendo no partido e os 13 minutos chegou o primeiro gol, Marcos Tojo recolle un rechace dentro da área e de tiro raso cruzado bate ó porteiro local.
Os visitantes dominaron o xogo e minutos antes de rematalo primeiro tempo dispuxeron doutra ocasión moi boa, Tojo logo dunha xogada persoal pon un centro ao que Eloy non chega por moi pouco.
No comezo da segunda metade os visitantes estrelaron un balón no poste e intres mais tarde, no 58', García de xogada persoal sube o segundo ó marcador.
Eloy novamente ós vinte minutos de xogo dispuxo doutra clara ocasión a pase de García; a falta de un cuarto de hora para o remate do encontro Pablo luciuse cunha parada cando xa os locales cantaban o gol.
Bo traballo do Matela no campo do cuarto clasificado.  E para domingo visitanos o terceiro.
Colexiado: Alejandro Vázquez Méndez.

(Par de goleadores)

Fotos: Tareixa Rguez.

CODESIDO - MATELA

O pasado domingo disputámola décima xornada no campo "A Casanova".
O Matela pouco fixo na primeira metade agás de dous lanzamentos e con pouco perigo á portería local. No minuto doce viuse sorprendido polo sempre loitador Codesido que no seu primeiro disparo a porta logra marcar, o autor do tanto é José A. Díaz que tras unha xogada pola banda, marcha de dous xogadores e bate por arriba a Pablo na saída.
Na segunda metade o Matela sae a polo partido e logra o empate Oscar ó transformar un penalti feito sobre sí mesmo, ós sete minutos de xogo.
O protagonista do partido foi Marcos Tojo, ó cuarto hora tenta sorprender ó porteiro local cun forte disparo dende fora da área, pero este saelle fora; pasada a media hora pon o un a dous no marcador rematando de cabeza un centro de García e tres minutos mais tarde o un a tres definitivo nunha xogada igualiña á anterior pero neste caso o remate a gol é co pé. O xogo segiu sendo fluido e o Codesido non deixou de pelexar ata o remate do partido pero o Matela defendeu ben a súa renda.
Colexiado: Sergio Fernández Neira 

Fotos:Tareixa Rguez.