MATELA - ROUPAR

Nesta última xornada visitounos o Roupar que viña de acadar una vitoria no partido anterior. 

O Matela quería acadar os tres puntos para non perder o tren dos primeiros clasificados e saíu o campo con ansias de gañar. No primeiro minuto de xogo Sarceda remata un córner sacado por Hugo que abre o marcador. A reacción visitante foi inmediata e os catro minutos dispuxeron dunha clara ocasión de gol na que Pablo se luciu cunha gran parada.

O resto do partido discorreu con alternancia de ocasións para os dous equipos ata o minuto sesenta e cinco no que os locais se fixeron co dominio absoluto do encontro, froito deste dominio chegaría a sentencia definitiva no minuto oitenta por medio de Bruno despois dunha gran xogada de García.

Colexiado: Juan Fernando Salgado Paz

Fotos: Tareixa Rguez.

SAN ROMAN - MATELA

O Matela presentouse en S. Román con tan só 12 xogadores dispoñibles, dos cales 11 saíron ó terreo de xogo con moitas gañas e xa nos primeiros intres de partido dispuxeron da primeira ocasión clara de gol logo dun saque de córner, o remate estrelaríase primeiro no largueiro e mais tarde no pau. Os visitantes inaguraron o marcador ó cuarto hora de xogo por medio de Veiga e cinco minutos mais tarde Pichín poñería o cero a dous no marcador, resultado co que remataría a primeira metade e que lles daba certa tranquilidade. 

Comezado o segundo tempo  e tras catro minutos de xogo os locais de penalti farían o seu primeiro gol, tamén a balón parado e logo dun barullo na área igualarían o partido ós vinte minutos de xogo.

O dous a tres  márcao Eloy na xogada seguinte ó saque de centro e o tres a tres definitivo chega nunha xogada de saque de córner na que Kenneth de cabeza e totalmente libre de marcas remata o balón entre os tres paus.

Este xogador foi o autor dos tres goles do S. Román, polo cal, moi orgulloso, marchou con balón do partido.

Colexiado; Virginio Polo Díaz

Fotos: Tareixa Rguez.

MATELA - CELEIRO

Os de Viveiro empezaron moi metidos no partido e conseguiron poñerse por diante no marcador os vintecinco minutos de xogo por medio de Gabriel, faltando dous minutos para o descanso o mesmo Gabriel marcaría o segundo. Con esa vantaxe i en superioridade numérica por expulsión de Oscar marcharían a vestiarios.

Tralo descanso os locais moito mais centrados saen a polo partido e no minuto 15 Eloy pon o un a dous no marcador logo  de recollelo rechace do penalti que el mismo tirara e que despexara o porteiro visitante. O gol do empate é obra de García tan só catro minutos mais tarde.

Xusto no minuto noventa a saque de córner Pablo remata na súa propia porta o gol que lle deu os tres puntos ó Matela.

Colexiado: Pedro Castro Gómez

O vindeiro sábado volvemos á costa, enfrontarémonos ó San Román no campo da Cha en Vilaestrofe (Cervo) as catro e media da tarde. 

Fotos: Tareixa Rguez.

CERVO - MATELA

Segundo partido de liga e viaxe a costa lucense para enfrentarnos ó Cervo.

No primeiro cuarto de hora de xogo ámbolos dous equipos gozaron de ocasións, o dominio era alterno; segundo foi pasando o tempo  os locais fixéronse co control do partido, os visitantes souberon aguantar co cero a cero ata o remate da primeira parte.

Tralo descanso os visitantes saen mais motivados ó campo e tentan desfacela igualada, agora é o Matela quen domina o partido. 

No minuto 10 García abre o marcador trala execución dunha falta ó borde da área. A alegría non lles duraría nada mais que 10 minutos pois o Cervo empata ó transformar un penalti. A partires de aquí os locais volven a ter as rendas do partido, o xogo agora é duro e as faltas son constantes, os locais xogaron os últimos minutos con superioridade numérica. A boa actuación de Pablo e a falta de acerto dos dianteiros impediron que se movese o marcador. 

Normas que se impoñen para non cumprilas!!.

Colexiado: Luis Manuel Graña González.

Fotos:Tareixa Rguez.

PRIMEIRA XORNADA: MATELA - RIOAVESO

Como non puiden asistir ó inicio da temporada, limítome a transcribir o que poñía O Progreso o luns.

O Matela comezou a temporada cun triunfo no campo de San Lourenzo de Aguiar ante un totalmente renovado Rioaveso, que non conserva ningún xogador do equipo que descendeu fai dous anos.

O cadro visitante inagurou o marcador na primeira xogada do partido (min. 1), na que Xoán logrou batir a Pablo cun bo disparo tras unha indecisión da zaga local.

O Matela buscou a reacción de maneira inmediata e no minuto 6 fixo a igualada por medio de Marcos Tojo, que recolleu coa cabeza un bo pase de Eloy. Este resultado chegou ó descanso.

No segundo tempo, os locais buscaron o gol do triunfo pero o Rioaveso estivo ben en defensa, evitando o gol do triunfo ata o minuto 89 no que Manuel aproveita un rexeite do porteiro visitante para colocar o 2 a 1 definitivo.

A.D.MATELA: Pablo, Alex (min. 70 Alberto), Sarceda (Yago min. 70), Manuel, Pedro, Javi, Eloy, Veiga, Marcos, Oscar (Hugo min. 66) e Bruno (Pichin min. 46).
RIOAVESO: Adrián, Javier, Xesús, Alberto, Martín Tomás Alejandro, Xoán, José M., Alberto Montenegro, Pedro e Sergio. Tamén xogaron: Alejandro Ledo, Pablo e Adrián.

Arbitro: Iván Montero Piñeiro.

Fotos: Moncho Vivero