CATRO ROLDAS - MATELA

Este pasado domingo enfrontámonos ó Catro Roldas no campo de Cospeito " A Fonte" por mor das malas condicións nas que se atopan os campos de herba natural.
Comezamos as 18:15 horas e a primeira metade aínda se xogou con luz natural, e foi ben pretiño do seu remate cando o Matela acadou os seus goles, con tan só un minuto de diferencia.
O primeiro marcaríao Sarceda de falta e o segundo foi obra de Carral  logo dunha xogada pola banda esquerda. 
Os locais dispuxeron de varias ocasións de gol pero non tiveron sorte de cara a súa finalización. Foi no 65 da segunda metade cando estes conseguirían por medio de Marcos poñer o un a dous definitivo no marcador.
O Matela pasou apuros dende o minuto 77 ata o remate do encontro debido a que se queda con 10 xogadores trala expulsión de García por "realizar unha entrada con uso de forza excesiva".
Colexiado: José Yañez García

Fotos: Tareixa Rguez.

MATELA - GALDO

Importante vitoria para os locais ante un rival directo polo play-off de ascenso.

O Matela anotou cando xa rondaba a media hora de xogo por medio de Beni que no segundo pau remata una falta executada por Sarceda.

Nada mais sacar de centro o Galdo dispuxo dunha boa ocasión, na que fai lucir a Marcos, para sacar o lanzamento a portería que xa se cantaba como gol. Coa vitoria pola mínima márchanse o descanso.

Tras a reanudación o Galdo dispuxo de algunha ocasión; agora tocáballe ó Matela defender na parte impracticable do campo e non era nada doado sácalo balón.

O segundo e definitivo gol marcaríao Hugo, de vaselina, tras 20 minutos de xogo. Moi preto do remate Alberto dispón dunha boa ocasión que atalla o porteiro visitante sin problema.

Colexiado: David Pereira Ferreiro.

O vindeiro domingo as 6 da tarde enfrontarémonos ó Catro Roldas en Cospeito.

Fotos: Tareixa Rguez.

MATELA - ABADIN

Tarde moi fría e con condicións metereolóxicas adversas (auga neve) para a pratica do fútbol, pero así se presentou este pasado sábado en S. Lourenzo onde nos enfrentamos ó actual segundo clasificado.

O resultado do partido foi un empate a unos, pero ben puido ser calquera outro pois ámbolos dous equipos dispuxeron de ocasións moi claras, sobre todo o Matela que tivo no derradeiro minuto de xogo e nas botas de Javi o gol que lles daría a vitoria, mais o disparo sáelle rozando o pau.

Os visitantes consiguen o gol moi preto do remate da primeira metade por medio de Seijo en claro fora de xogo e os locais consiguen o empate por medio de Manuel que toca un saque de falta dende moi preto do medio do campo cando xa se xogaran 25 minutos da segunda metade.

Colexiado: Luis Viña Seijas

Fotos: Tareixa Rguez.

CODESIDO - MATELA

Os visitantes necesitaron de 48 minutos para  anotalo primeiro gol da tarde no dificil campo de Codesido, pese a dispoñer de varias ocasións bastante claras na primeira metade.

Adrián  ós dous minutos de xogo xa avisa con un lanzamento raso que lle sae rozando o pau esquerdo da portería local; disporía doutras ocasións pero non consigue marcar ata o minuto 73 de partido.

Foi Sarceda quen abriu a tanda goleadora dos visitantes no minuto 54, de falta directa ó borde da área, García dispuxo dunha ocasión clarisima no minuto 57 pero saíulle rozando o pao. Hugo marcou por partida dobre no 66 e no 71 e remataría Rubén Vázquez no 85 marcando de penalti.

Colexiado: José Manuel Alvariño Cruña
O vindeiro sábado (día 1) as 16:15 h. enfrentámonos en San Lourenzo ó Abadín, 2º clasificado.

Fotos: Tareixa Rguez.

MATELA - ROUPAR

Despois da derrota da semana pasada na casa frente o Parga, este sábado enfrentámonos ó Roupar tamén na casa.

A tarde non puido empezar mellor, os locais sairon moi motivados ó terreo de xogo e xa os 3 minutos García tivo a primeira ocasión de gol. Goles que materializa mais tarde nos minutos 7 e 44, a maiores tamén marcaron Hugo no 19, Manuel no 23 a Marcos no 29.

A primeira metade foi un monologo do Matela, i eso que estragaron varias ocasións e o porteiro visitante detería un penalti. Na segunda metade  e pese a non dispoñer de cambios o Roupar plantoulle cara os locais logo despois de marcar o seu tanto  (penalti) tan só 8 minutos despois do comezo. Non se movería o marcador ata o 89 cando Javi Rielo marca o sexto e definitivo a pase de Adrián e que ven precedido dun gran control de Alberto.

Colexiado:  Jesús Adán Gallego

Fotos: Tareixa Rguez.