Este pasado domingo enfrontámonos ó Catro Roldas no campo de Cospeito " A Fonte" por mor das malas condicións nas que se atopan os campos de herba natural.
Comezamos as 18:15 horas e a primeira metade aínda se xogou con luz natural, e foi ben pretiño do seu remate cando o Matela acadou os seus goles, con tan só un minuto de diferencia.
O primeiro marcaríao Sarceda de falta e o segundo foi obra de Carral logo dunha xogada pola banda esquerda.
Os locais dispuxeron de varias ocasións de gol pero non tiveron sorte de cara a súa finalización. Foi no 65 da segunda metade cando estes conseguirían por medio de Marcos poñer o un a dous definitivo no marcador.
O Matela pasou apuros dende o minuto 77 ata o remate do encontro debido a que se queda con 10 xogadores trala expulsión de García por "realizar unha entrada con uso de forza excesiva".
Colexiado: José Yañez García
Fotos: Tareixa Rguez.
No hay comentarios:
Publicar un comentario