CELEIRO - MATELA

Partido xogado na tarde do sábado no Municipal de Viveiro con reparto de puntos.

Primeira metade sin claro dominador na que somentes cabería destacar tres xogadas; unha primeira os 26 minutos de xogo, mano dos visitantes moi preto da área, o seu lanzamento é desviado por Pablo a córner, no trinta e cinco e o Matela por medio de David con xogada persoal e no 45 xogada entre García e Tojo ambalas dúas fallidas.

Na segunda metade os visitantes saen un pouco mais motivados e xa os cinco minutos de xogo dispoñen da primeira ocasión, xogada entre David e García, no 13 nova ocasión, desta volta a balón parado. Semella que o balón non quixera colarse entre os tres paus.

Cando xa se levaban xogado vinte e cinco minutos os locais tiveron a primeira ocasión a balón parado e dous ou tres minutos mais tarde son os visitantes quenes estragan unha boa ocasión; Pedro remata de cabeza un saque de córner, pero este sae rozando o largueiro.

Nos derradeiros segundos de xogo os locais puideron marcar a saque de córner pero Pablo moi seguro evitou que o tanto subise ó marcador.

Colexiado: Jesús Martín Florez.

Fotos: Tareixa Rguez.

MATELA - CODESIDO

Os locais conseguiron unha vitoria pola mínima ante o Codesido.
Veiga (minuto 44) foi o autor do gol logo dunha xogada persoal e de quedarse só ante o porteiro.

A primeira metade transcorre con moitos altibaixos no xogo, o Codesido puido abrilo marcador no minuto 20 de xogo e a media hora sería o Matela por medio de Pedro quen disporía da mellor ocasión. 

A segunda metade (marcada polo mal estado do terreo de xogo) comeza tola e xa no primeiro minuto os locais volven a ter unha ocasión moi clara, no cinco serían os visitantes quen gozarían desta ocasión.

No minuto 20 prodúcese a xogada clave do partido, o equipo visitante reclama a expulsión do porteiro local por man fora da área, pero o colexiado somentes lle amosa cartón amarelo, o cal lle permite seguir xogando e desviar a córner o posterior lanzamento da falta. A falta ainda de 12 minutos para o remate Marcos Tojo dispuxo da mais clara ocasión de gol, pero a súa vaselina sae fora, xa no desconto e cun home mais o Codesido tivo outra opción a balón parado.

Colexiado: David Liz Sierra

Fotos: Tareixa Rguez.

CATRO ROLDAS - MATELA

Partido correspondente a xornada 21 disputado este pasado domingo que rematou en táboas (2-2)

Encontro duro o que se viu en Román, entre dous equipos que precisaban dos tres puntos; os locais para meterse dentro dos 6 primeiros clasificados e os visitantes para acadar ó posible ascenso.

Xa no minuto dous os visitantes puideron abrilo marcador senón fora que Veiga manda o seu lanzamento demasiado alto; e tan só dous minutos mais tarde foron os locais por medio de Alejandro quen desaproveitan a ocasión. Quen non fallou foi Marcos que logo dunha perfecta deixada da defensa visitante nos seus pés éste pon o un a cero no marcador.

O partido é un toma e daca e nunha destas o Matela por medio de Sarceda que remata de cabeza un córner sacado por Hugo empata. Con este resultado marchan a vestuarios é a volta a tónica segue a sela mesma ata case o remate.

Corría xa o minuto oitenta cando noutro fallo dos visitantes o Catro Roldas por medio de David, que recibe un gran pase de Marcos, se pon por diante. O Matela non se da por vencido e tenta a igualada, o encontro cada vez se pon mais feo, continuas faltas (9 tarxetas), perdas de tempo, e cando xa se cumpría o tempo reglamentario os visitantes empatan por medio de Sarceda nun saque de falta. Nos minutos de desconto o Matela dispuxo de outras dúas claras ocasións.

Colexiado: Adrián López Bermúdez.

  

Fotos: Tareixa Rguez.

MATELA - FOLGUEIRO / SAN ROMAN - MATELA

MATELA - FOLGUEIRO

Por motivos personais non puiden asistir  a éste partido disputado o sábado de antroido, pero relatarei o que a min me contaron.

Partido moi disputado onde o Folgueiro levou o peso do partido e dispuxo das mellores e mais claras ocasións, sin embargo os locais aguntaron moi ben e incluso puideron marcar no tramo final do partido.

Colexiado: Alejandro Ferreiro Méndez

Fotos: Alejandro Lombao

SAN ROMAN - MATELA

Este partido fora aprazado no seu día e xogóuse o pasado martes de carnaval no campo artificial de Burela "A Marosa" . Dous partidos en 4 días.

O primeiro cuarto de hora transcorre con normalidade, os visitantes dominan pero non chegan con claridade á portería local. Abriría o marcador Hugo no minuto 17 logo dunha xogada persoal a pase de Veiga. O Matela tenta aumentar distancias pero os locais deféndense ben  e aguantan o resultado ata o remate dos primeiros cuarenta e cinco.

Logo do paso por vestiarios  (un pouco lonxe do terreo de xogo) a tónica segue a ser a mesma ata que Alberto (min. 23) sube o segundo ó marcador ó rematar un balón que anteriormente David estrelara na cruceta, minutos mais tarde, David volve a ter outra clarísima ocasión que finalmente dispara a mans do porteiro.

O terceiro e derradeiro gol volve a ser obra de Hugo a falta de dez minutos para o remate, xa o borde dos 90 tanto García como Veiga puideron aumentar o marcador.

Colexiado: José Luis Rivera Arnau

Fotos: Tareixa Rguez.