OUROL - MATELA

Tres puntos en xogo, tres expulsións e tres goles, esto foi o que vimos a pasada tarde do sábado en Ourol.

Os locais puideron abrir o marcador os quince minutos de xogo, Pablo desbarata a ocasión sacando o forte disparo pero o balón cáelle nos pes  a un xogador local, o novo lanzamento sae por enriba da portería. Dez minutos mais tarde adiantaríanse no marcador logo dun erro dos visitantes en defensa.

A falta de cinco minutos para o descanso os de Ourol quedáronse con 10 xogadores logo da expulsión de Adrián e no corenta e catro logo dunha boa xogada entre Manu e Hugo, García consigue a igualada no marcador.

O pouco de comezar a segunda metade o Matela puido adiantarse no marcador pero o disparo de Hugo estrelouse co pau.

Iguálanse as cousas no minuto 65 coa expulsión de Veiga para os visitantes e no 85 quedan en inferioridade trala expulsión de Hugo.  

Nos derradeiros suspiros do partido Reyes sube ó marcador o un a dous definitivo.
Colexiado: Alejandro Ruíz Fra.

Fotos: Tareixa Rguez.

MATELA - CAZAS

Primeiro partido na casa e primeira vitoria.

O equipo saiu moi loitador ó terreo de xogo e xa os 5 minutos conseguia o primeiro tanto obra de Marcos logo de rematar entre os tres paus unha falta. Os locais dispuxeron de varias ocasións mais non chegaría o segundo ata ben preto do remate da primeira metade, tamén foi Marcos quen anotou logo dunha gran xogada, recorte e tiro cruzado. 

Os visitantes tamén gozaron das súas ocasións e a punto estiveron de marcar chegada a media hora de xogo, sería Veiga quen neutralizaría a ocasión logo dunha mala saída do porteiro.

Tralo descanso o Matela sae algo mais aturullado ó campo, pero pasados os primeiros 10 minutos, de novo, Marcos marcaría o hat trick cun novo disparo dende o borde da área. Minutos despois abandonaría o terreo de xogo lesionado.

Cando tan só faltaban cinco minutos para o remate chegaría o cuarto e definitivo gol por medio de Sarceda que transformaría un lanzamento de falta directa.

Colexiado: Luis Viña Seijas

Fotos: Tareixa Rguez.

ROUPAR - MATELA

Con varias vaixas e moitas caras novas comezamos o sábado pasado unha nova tempada.

Non comezamos moi ben que se diga, pero o visto nos 15 primeiros minutos de xogo ainda facía presaxiar algo moito peor. 

Unha moi mala primeira parte fixo que encaixasemos 3 goles, na segunda viñemonos arriba e o Roupar confiouse no resultado. O resultado puido ser mais abultado.

Goles: Sarceda (2) e Javiño

Colexiado: Juán Carlos Polo Fernández.

Fotos: Tareixa Rguez.

MATELA - FOLGUEIRO

Este pasado domingo disputouse en S. Lourenzo o derradeiro partido de liga que nos enfrontou ó Folgueiro; dirixiu o encontro Ismael Vázquez López.

Comezou o partido a un ritmo bastante tolo, o balón pasaba apresuradamente dunha área a outra. 

Non se abriu o marcador ata a media hora de xogo, Adrían recolle un balón na área logo do rexeite da defensa nun saque de córner. Rondando os cuarenta e cinco dispoñen os locais dunha clarísima ocasión pero o balón que remata Marcos de cabeza bate no pau.

Tralo descanso o Matela faise totalmente co partido e tras 9 minutos de xogo, de novo, Adrián nunha xogada pola banda esquerda bate o porteiro visitante. 

Prodúcese o primeiro cambio dos locais, entra no terreo de xogo García e nada mais entrar dispón da ocasión mais clara de gol, o porteiro despexa a córner. Sentencia o partido os quince de xogo Marcos. 

Este vindeiro domingo disputaremos o primeiro partido de play off polo ascenso a segunda autonómica, toca ir a Goiriz. !!Forza Matela!!

Fotos: Tareixa Rguez.

CELTA BARREIROS - MATELA

Este pasado domingo desprazámonos ata Barreiros para disputar a penúltima xornada de liga. Un campo sempre complicado debido en gran parte ás súas dimensións.

Os locais comezaron moi intensos e nos primeiros dez minutos de xogo dispuxeron de dúas boas ocasións, que Marcos despexa, non sin certos apuros. Na primeira metade o Matela non creou apenas ocasións.

Na segunda metade  faise co control do partido e dispón de varias ocasións pero ningunha delas rematou dentro da portería, a falta de un cuarto de hora para o remate os locais quédanse con dez xogadores pola expulsión de Copete. O Matela nestes quince minutos crea as mellores ocasións pero ningunha desfixo o empate.

Colexiado:  Marco Antonio Coto Villarin 

Fotos: Tareixa Rguez.